猫猫's profile心情地图PhotosBlogListsMore  |  Tools Help |
|
心情地图^_^期望※别荡失于※看不清的※心情国度 11/19/2008 收到钻戒哇~~~ 前日，好突然甘收到一只钻戒。
可以话系目前收到最贵重既一份礼物！
通常大家都会估系男朋友送既，
但系...其实系男朋友妈妈送既~~~
戴中指就刚刚好，戴无名指就会大，
正好可以留番来戴结婚戒指O(∩_∩)O
虽然粒石唔系好大好名贵，不过都系好靓好闪下噶~~~ 仲有鉴定证书添~~~
人生第一次收戒指就系钻戒了
超级开心O(∩_∩)O哈 10/21/2008 聚会很多的一个月 十月，有国庆长假！So迎来了好多饭局~~~几乎每日都出街，攰哇...
首先系国庆长假第二日，高中四个好姐妹聚会。大家自大学毕业礼之后都无点样聚过。
今次系KEL发起既聚会，重点系KEL话今次佢请！下次唔知轮到边个了~~四个人一聚埋就
开始不停甘讲野！果然感情好O(∩_∩)O
其次系国庆长假后面几日。粉亮从深圳过来探下大家。粉亮+LILY+我去左地王果间
江湖新概念烧烤餐厅食野。三个都未去过，所以乜都唔识搞~~搞到个waiter都好愕然！
食左几乎两个钟头，成身都系油烟味甘离开。
第三次系上上星期我地大学宿舍私人聚会。四个同居密友终于又聚首一堂。约系天河
北堂会唱K。好大懵甘，我睇错约定日子，提早左一日去踩场~~真系乌龙年年有，今年特
别多啊！发觉果间堂会真系好平，不过好少歌，失望。之后换左个安静既小店叹红酒！四个
人饮一支确实有D多...脸色微红之下，四只野去左街边走鬼档食牛杂。重温番以前四个人食
一个炒粉的日子。
最近一次系上周末，春春来广州考试。于是约埋我同LILY出来聚下。今次去石牌桥附近
食粤菜。好幸运地，今次春春又主动提出要请客，哈！正所谓三个女人一个墟，我地去到边
讲到边，仲食到边。食完中午饭又去大家乐下午茶。饱到不得了~~~
总的来说，十月系一个节目丰富的一月！！！ 9/25/2008 烧坏脑？！上星期四下午开始
我发觉有D头晕身兴...
落班番屋企途中感觉自己好似饮醉左甘
脚步浮浮，又面红红
最后都系靠意志力安全返到屋企！
一探热，先知原来已经烧到39度4~~~
自己都吓左一跳啊！！
可能有十年无发甘高烧啦
求其食左几口饭就上床眠了
用尽一切办法令个人出汗希望可以退烧
但出左几升汗之后...结果都系39度
由于担心烧坏脑
我已经不断甘用冰帮个头降温
D冰都融左三四次，但体内温度就不降反升
烧左几个钟头，全身关节都烧到酸软
当时希望一觉训醒可以退烧
点知训到1点几，醒左，感觉退左少少烧
但再训番落床就点都训唔着喔
仲越训越冻添啊！
凌晨四点起身探热——40度
睇来都要去医院啦...
凌晨打的去医院睇急诊，食药打针
个医生仲话我睇落几精神，俾佢激死！
由细到大，都会因为扁桃腺发炎而发烧
不过今次好似好难好甘
拖左好多日都仲喉咙痛......
唉，搞到食不知味~~激气啊！
8/3/2008 意粉屋
好耐无写过边度有好野食啦~~
之前一段时间都无点去发掘啊，可惜...
琴日我就又食左一间味道唔错既餐厅！
就系天河城七楼既意粉屋啦
可能有人一早已经去过试过味道
但琴日系我献俾意粉屋既第一次！
我好早之前就中意意大利，毫无原因，就系中意
意大利菜就当然要多吃了^_^
去意粉屋，当然就系点粉类既野试下啦
我强力推荐大家试一试茶类饮料
味道相当清新，水平相当唔错
甘自然价钱就相当贵了...
我饮左个花式红茶
用锡兰红茶加上芒果等果味，超正！
冻25蚊，热21蚊
大概有120ml左右啦
正餐就推荐蒜香杂菌长通粉啦
一打开个餐盖咋，D香味已经扑鼻而来~~
虽然蒜味好强，不过食落口就感觉好正！
令人忍唔住不停甘一啖一啖将佢放入口...
全个粉既配料都系斋
keep fit食就最适合啦^_^
分量比较适中，价钱胜惠43蚊！！
去意粉屋就唔可以唔试下最基本既肉酱意粉呢？！
你可以要求加芝士去焗，加收10蚊
卖相其实几好，肉酱都好多
不过感觉无咩突破，味道同其他地方比属中上水平
价值人民币48元正啊！
除左粉类既料理，意粉屋仲有pizza同扒类
由于胃容量有限，今次就无试到了...
食物质素尚算令人满意，服务亦都唔差
不过环境就一般了
面对咁样既价格，环境布置好似低左一个等级
感觉有小小遗憾... 7/29/2008 Sound of Music琴晚终于完成左一个心愿，就系去睇《音乐之声》啦！！！我应该系高一既时候系依家已经拆左既礼堂二楼，上外语电影欣赏课既时候睇过音乐之声既电影。当时觉得D歌好听，于是印象非常深刻！一直到今年五月，知道七月会来广州首演舞台音乐剧。开心死了！吸取上次《猫》既教训，一定要一早就买定票，否则到最后就会不了了之，唔去睇...当时本来打算系我生日果日去睇《猫》噶~~~但无人陪我去啊~~~林起就伤心T_T
《音乐之声》不愧为百老汇名剧，真系好睇又好听！不过琴晚纪念堂既上座率就一般，得六成左右。虽然人唔系好多，但已经足够影响欣赏套剧！首先系一开场，关灯之后见到繁星点点（手机同相机屏幕既光）。人物一出，马上有接二连三既闪光灯。相信台上既演员一定好讨厌！我同彭生都好讨厌，成日闪闪下，影响晒！其次就系随住生活水平既提高，家长越来越中意带D好细个既小朋友去睇D小朋友唔明既野！带去都算啦，大家有望子成龙既心态，我理解，但点解系带佢地去之前唔事先教育佢地，演出既时候要保持安静呢？？仲有一D后生D既，似住自己识得几句英文就成部复读机甘。人地讲一句佢就讲一句！不过好在D人水平有限，唔系句句都听得明，如果唔系就烦死啦！幕间好多人都走左去前面D空位度坐，后面即时安静左唔少，舒服！ 演员唱歌真系好听，特别系最细个果个女仔，好得意啊o(∩_∩)o，现场伴奏又好有feel喔~~~我都好想试下现场伴奏甘唱歌啊！ |
|||||
Send a private message
Tell a friend
Add to My MSN
Add to your network
Sign up for alerts|
|
